MTAR Technologies har quarter naye bade targets announce karti hai – ₹700 Cr+ revenue, 28% EBITDA margin, aur clean energy + aerospace sector mein aggressive growth ke promises.
Lekin jab actual numbers dekhte hain to kahani alag milti hai:
Material cost FY23-24 mein 52% tak pahunch gaya, jo margin par direct pressure daal raha hai.
Profit after tax sirf ek saal mein 104 Cr se gir kar 56 Cr ho gaya.
Promoters June 2022 ke 47.47% stake se gir ke sirf 31.77% par aa gaye hain, aur usme bhi 10.4% holding girvi rakhi gayi hai.
Management bar-bar confidence dikhata hai, lekin jab promoters hi apna stake nikal rahe ho, to investor ka trust kahaan se aaye?
Is report mein humne company ke financials, ground reality, aur management ke behavior ko detail mein decode kiya hai – taaki aap hype ke peechhe chhupe risk ko samajh sakein.
